11 de Setiembre
Diya d'a Nazión Catalana
Mientres as zilebrazions nazionals, o paisache urbano de Cataluña destaca por l'acotraziadura de miradors y finestras con as colors d'a nazión. Faigamos tamién d'a nuestra ziudá birtual una muestra d'argüello por o nuestro país, a nuestra istoria y os nuestros siñals. Grazias a internet podemos dar-los a conoxer a tot o planetaCopia a "senyera" que encapeza ista paxina y pincha-la en a tuya web durante a "Diada"!
A remeranza d'una redota
Cataluña eba teniu, por toda a suya larga istoria como nazión soberana, una luenga, una moneda, un exerzito, unas istituzions politicas y una cultura propias y plateramén esferenziadas d'a resta de territorios bizins. Podemos afirmar que o nuestro Estau estió una d'as primeras democrazias d'o mundo: as Cortes Catalanas acullioron ripresentans d'as ziudaz y as billas dende l'añada 1283.
Pero Cataluña estió a la fin asimilada por os catellans y combertida en atra probinzia española ("probinzia" ye un termino que se cudizió baxo l'Imperio Romano y que sinifica "territorio d'os benzius").
En l'año 1700 muere sin deszendenzia Carlos II, zaguer rei d'a dinastía d'os Austrias en España y a suya suzesión se torna un problema de politica internazional. As fuerzas de Zelipe de Borbón, ripresentán d'o zentralismo franzés y de l'esprito y os intreses aristocraticos y feudals, luitan con as de Carlos d'Austria, ripresentán de l'esprito federalista y eszentralizador, asinas como d'as clases meyas y populars.
En 1713, con o Tratau d'Utrecht, Cataluña dixa de recullir o refirme d'as fuerzas aliadas. As tropas castellano-franzesas sitian Barzelona por treze meses dica o trunfo (40.000 castellans y franzeses contra 5.000 catalans!) en setiembre de 1714.
Con a ocupazión melitar d'o nuestro territorio se promulga, en 1716, o Decreto de Nueba Planta, seguntes o cualo surtiba acotolada la nazión catalana, proyibindo-se a suya luenga y abolindo as suyas istituzions (o Consello de Ziento, as Cortes, a Cheneralidá y l'exerzito), as suyas costituzions y o suyo sistema fiscal y monetario.
Os catalans y catalanas emos estau dende allora, y mesmo en plena "democrazia parlamentaria" -y monarquica-, espullaus, emprobezius y oprimius baxo gubiernos españols de cualsiquiera color. Madrí ye, antimás, risponsable d'a trestalladura d'o nuestro país, que incluyiba atros territorios autualmén baxo soberanía franzesa y española.
O Decreto de Nueba Planta nunca no ha estau derogau.
"Tornarem a lluitar. Tornarem a sofrir. Tornarem a véncer!!!"
"Tornaremos a luitar. Tornaremos a sufrir. Tornaremos a benzer!!!"
This is an initiative without entailment with any official organism or political group. Document of free distribution. Their authors yield the copy rights to Catalan community and decline any responsibility by an illegal use.
